Vigo Like é unha campaña no marco do Plan de Competitividade Turística de Vigo cofinanciado pola Unión Europea a través do Fondo Europeo de Desenvolvemento Rexional, TURESPAÑA, Secretaría de Turismo da Xunta de Galicia e Concello de Vigo que ten como obxectivo dar a coñecer a cidade e a súa contorna a través de persoas estranxeiras afincadas en Vigo. Estas persoas actúan como embaixadores da cidade, desvelando os encantos e segredos de Vigo aos seus compatriotas.
Os embaixadores convértense nos mensaxeiros idóneos para promocionar Vigo como destino turístico entre os habitantes do seu país de orixe, destacando os seus enclaves preferidos da cidade olívica e compartíndoos a través da rede.
A campaña Vigo Like comeza no mes de xaneiro e desenvolverase ata o mes de xuño de 2013, durante este tempo unha serie de embaixadores serán os encargados de trasladar a esencia de Vigo ao seu país de nacemento a través da creación das súas propias rutas.
Toda a actividade desenvolvida para Vigo Like pode seguirse a través de este espazo online así como da conta oficial da campaña en Facebook.
